kitanaa haseen hain mausam  kitanaa haseen safar hai
saathee hain khoobasoorat  ye mausam ko bhee khabar hai

milatee naheen hain manjil  raahee jo ho akelaa
do ho to fir jahaan me, chaahe lagaa lo melaa
dil mil gaye to fir kyaa, jangal bhee yek ghar hai

naa jaane ye hawaayen, kyaa kahanaa chaahatee hai
panchhee teree sadaayen, kyaa kahanaa chaahatee hai
kuchh to hain aaj jis kaa, har cheej par asar hai

kudarat ye kah rahee hai, aa dil se dil milaa le
ulafat se aag le kar, dil kaa diyaa jalaa le
sachchee agar lagan hai, fir kis kaa tuz ko dar hai