yek pyaar kaa nagmaa hai, maujo kee rawaanee hain
jindagee aaur kuchh bhee nahee, teree meree kahaanee hain

kuchh paakar khonaa hai, kuchh khokar paanaa hain
jeewan kaa matalab to, aanaa aaur jaanaa hain
do pal ke jeewan se, yek umar churaanee hain

too dhaar hain nadiyaa kee, main teraa kinaaraa hoo
too meraa sahaaraa hai, main teraa sahaaraa hoo
aakhon mein samandar hai, aashaaon kaa paanee hain

tufaan to aanaa hai, aa kar chale jaanaa hain
baadal hain ye kuchh pal kaa, chhaa kar dhal jaanaa hain
parachhaeeyaan rah jaatee, rah jaatee nishaanee hain