simatee huyee ye ghadeeyaan, fir se naa bikhar jaaye

is raat mein jee le hum  is raat mein mar jaaye



ab subah naa aa paaye, aao ye duwaa maange

is raat ke har pal se, raate hee ubhar jaaye



duniyaa kee nigaahe ab  hum tak naa pahuch paaye

taaron mein base chalakar, dharatee mein utar jaaye



haalaat ke teeron se, chhalanee hain badan apane

paas aao ke seenon ke kuchh jakhm to bhar jaaye



aage bhee andheraa hai, peechhe bhee andheraa hai

apanee hain wahee saanse, jo saath gujar jaaye