jab ziro diyaa mere bhaarat ne, duniyaan ko tab ginatee aayee

taaron kee bhaashaa bhaarat ne, duniyaan ko pahale sikhalaayee

detaa naa dashamal bhaarat to, yoo chaand pe jaanaa mushkil thaa

dharaatee aaur chaand dooree kaa andaajaa lagaanaa mushkil thaa

sabhyataa jahaa pahaale  aayee, pahale janamee  hain jahaape kalaa

apanaa bhaarat wo bhaarat hai, jis ke pichhe sansaar chalaa

sansaar chalaa aaur aage badhaa, yoo aage badhaa, badhataa hee gayaa

bhagawaan kare ye aaur badhe, badhataa hee rahe aaur foole fale



hai pareet jahaa kee reet sadaa, main geet wahaa ke gaataa hoo

bhaarat kaa rahane waalaa hoo, bhaarat kee baat sunaataa hoo



kaale gore kaa bhed nahee, har dil se humaaraa naataa hai

kuchh aaur naa aataa ho hum ko, humei pyaar nibhaanaa aataa hai

jise maan chookee saaree duniyaa, main baat wahee doharataa hoo

bhaarat kaa rahane waalaa hoo, bhaarat kee baat sunaataa hoo



jeete ho kisee ne desh to kyaa, hum ne to dilon ko jeetaa hai

jahaa raam abhee tak hain nar me, naaree mein abhee tak seetaa hai

kitane paawan hain log jahaa, main neet neet sheesh zookaataa hoo

bhaarat kaa rahane waalaa hoo, bhaarat kee baat sunaataa hoo



itanee mamataa nadiyon ko bhee, jahaa maataa kah ke bulaate hai

itanaa aadar insaan to kyaa, patthar bhee pooje jaate hai

us dharatee pe maine janam liyaa, ye soch ke main itaraataa hoo

bhaarat kaa rahane waalaa hoo, bhaarat kee baat sunaataa hoo