aaur kyaa ahad-ye-wafaa hote hain
log milate hai, judaa hote hain

kab bichhad jaaye, humasafar hee to hain
kab badal jaaye, yek najar hee to hain
jaana-o-dil jis pe, fidaa hote hain

baat nikalee thee, is jamaane kee
jis ko aadat hai, bhool jaane kee
aap kyo hum se, khafaa hote hain

jab rulaa lete hai, jee bhar ke hume
jab sataa lete hai, jee bhar ke hume
tab kahee khoosh wo, jaraa hote hain