jalate hain jis ke liye, teree aakhon ke diye
dhoondh laayaa hoo wahee, geet main tere liye

dard ban ke jo mere dil mein rahaa dhal naa sakaa
jaadoo ban ke teree aankhon mein rukaa chal naa sakaa
aaj laayaa hoo wahee geet main tere liye

dil mein rakh lenaa ise haathon se ye chhoote naa kahee
geet naajook hain meraa sheeshe se bhee toote naa kahee
gunagunaaoongaa yahee geet main tere liye

jab talak naa ye tere ras ke bhare hothhon se mile
yoohee aawaaraa firegaa ye teree julfon ke tale
gaaye jaaoongaa yahee geet main tere liye