yek ghar banaaoongaa, tere ghar ke saamane
duniyaa basaaoongaa, tere ghar ke saamane

ghar kaa banaanaa, koee aasaan kaam naheen
duniyaa basaanaa, koee aasaan kaam naheen
dil mein wafaayen ho to ,toofaa kinaaraa hain
bijalee humaare liye ,pyaar kaa ishaaraa hain
tan man lootaoongaa,tere ghar ke saamane

kahate hain pyaar jise,dayraa hain aag kaa
yaa fir nashaa hain koee ,jeewan ke raag kaa
dil mein jo pyaar ho to,aag bhee fool hain
sachchee lagan jo ho to,parabat bhee dhool hain
taare sajaaoongaa,tere ghar ke saamane

kaaton bhare hain lekin ,chaahat ke raasate
tum kyaa karoge dekhe,ulafat ke waasate
ulafat mein taaj chhoote,ye bhee tumhe yaad hogaa
ulafat mein taaj bane,ye bhee tumhe yaad hogaa
mai bhee kuchh banaaoongaa,tere ghar ke saamane