muze kitanaa pyaar hain tum se, apane hee dil se poochho tum
jise dil diyaa hain wo tum ho, meree jindagee tumhaaree hai

chaahat ne teree muz ko kuchh is tarah se gheraa
din ko hain tere charche, raaton ko khwaab teraa
tum ho jahaa wahee par, rahataa hain dil bhee meraa
bas yek khayaal teraa, kyaa shaam kyaa saweraa

ye duniyaan kaise badalee, kuchh bhee samaz naa aaye
kyo kar huye wo apane, kal tak the jo paraaye
dil kee lagan ho sachchee, fir kyo naa rang laaye
mere the tum sadaa se, par ab kareeb aaye

meree wafaa ko ab to, tum aajamaanaa chhodo
dil ko churaa ke mere, aankhe churaanaa chhodo
muz ko banaa ke apanaa, baate banaanaa chhodo
mai kab naa thee tumhaaree, lekeen sataanaa chhodo