dil kee ye aarajoo thee koee dilarubaa mile

lo ban gayaa nasib ke tum hum se aa mile



dekhe humei nasib se ab apane kyaa mile

ab tak to jo bhee dost mile bewafaa mile



aakhon ko yek ishaare kee jahumat to dijiye

kadamon mein dil bichhaa doo, ijaajat to dijiye

gam ko gale lagaa loo jo gam aap kaa mile



hum ne udasiyon mein gujaaree hain jindagee

lagataa hain dar fareba-ye-wafaa se kabhee kabhee

ayesaa n ho ke jakhm koee fir nayaa mile



kal tum judaa huye the jahaan saath chhod kar

hum aaj tak khade hain usee dil ke mod par

hum ko is intajaar kaa kuchh to silaa mile