ye mahalo, ye takhto, ye taajon kee duniyaan
ye insaan ke dushman samaajon kee duniyaan
ye daulat ke bhukhe rawaajon kee duniyaan
ye duniyaan agar mil bhee jaaye to kyaa hai

har yek jism ghaayal  har yek ruh pyaasee
nigaaho mein ulazan  dilon mein udaasee
ye duniyaan hain yaa aalama-ye-badahawaasee
ye duniyaan agar mil bhee jaaye to kyaa hai

jahaa yek khilaunaa hai, insaan kee hasatee
ye basatee hain murda paraston kee basatee
yahaa par to jeewan se maut sasatee
ye duniyaan agar mil bhee jaaye to kyaa hai

jawaanee bhatakatee hain badakaar ban kar
jawaan jism sajate hain baajaar banakar
yahaa pyaar hotaa hain wyaapaar banakar
ye duniyaan agar mil bhee jaaye to kyaa hai

ye duniyaan jahaa aadamee kuchh naheen hai
wafaa kuchh nahee, dosatee kuchh naheen hai
yahaa pyaar kee kadr hee kuchh naheen hai
ye duniyaan agar mil bhee jaaye to kyaa hai

jalaa do ise, foonk daalo ye duniyaan
mere saamane se hataa lo ye duniyaan
tumhaaree hain tum hee sanbhaalo ye duniyaan
ye duniyaan agar mil bhee jaaye to kyaa hai