aankhon se jo utaree hain dil me

tasaweer hain yek anajaane kee

khud dhoondh rahee hain shammaa jise

kyaa baat hain us parawaane kee



wo us kee labon par shaukh hasee

rangeen sharaarat aakhon me

saanso mein mohabbat kee khushaboo

wo pyaar kee dhadakan baaton me

duniyaa meree, badal gayee

banake ghataa nikal gayee

taubaa wo najar masataane kee



andaaj wo us ke aane kaa

choopake se bahaar aaye jaise

kahane ko ghadee bhar saath rahaa

par umar gujaar aaye jaise

unake binaa, rahoongee nahee

kismat se ab jo kahee

mil jaaye khabar diwaane kee