tum jo mile to lagaa hai, jaise milee jindagee
jaatee kahaa hain ye raahe, jin pe chalee jnidagee

itanaa muz ko kab thaa pataa, ayesaa bhee ik gaanw hain
rastaa takatee meraa jahaan, in palakon kee chhaaw hain
meree to thee dhoop mein hee, ab tak palee jindagee

tum ko paa ke ayesaa lagaa, jitane the gam  kho gaye
sadiyon se hum patthar ke the, ab mom ke ho gaye
itane hansee rup mein hai, dekho dhalee jindagee

jeene ko jeete the magar, itanee khabar thee kise
dil mein ayesee galiyaa bhee hai, jin mein hain sapane base
sapane mile to khilee hai, ban ke kalee jindagee