man dole, meraa tan dole
mere dil kaa gayaa karaar re
ye kaun bajaaye baasureeyaan

madhur madhur sapanon mein dekhee maine raah nawelee
tod chalee main laaj kaa paharaa, jaane kahaa akelee
chalee mai, jaane kahaa akelee
ras ghole, dhoon yoo bole, jaise thhandee pade puhaar re
ye kaun bajaaye baasureeyaan

kadam kadam par rang sunaharaa, ye kis ne bikharaayaa
naagan kaa man bas karane, ye kaun saperaa aayaa
ye kaun saperaa aayaa
pag dole, dil yoo bole, teraa ho ke rahaa shikaar re
ye kaun bajaaye baasureeyaan