chalo yek baar fir se, ajanabee ban jaaye hum dono

naa main tum se koee ummeed rakhoo dilanawaajee kee
n tum meree taraf dekho, galat andaaj najaron se
n mere dil kee dhadakan  ladakhadaye meree baaton se
naa jaaheer ho tumhaaree kashmakash kaa raaj najaraane se

tumhen bhee koee ulazan rokatee hain peshakadamee se
muze bhee log kahate hain kee ye jalawe paraaye hai
mere humaraah bhee rusawaaeeyaan hain mere maazee kee
tumhaare saath abhee gujaree huyee raaton ke saaye hai

taarruf rog ho jaaye, to usako bhoolanaa achchhaa
taallook boz ban jaaye to use todanaa achchhaa
wo afasaanaa jise anjaam tak laanaa naa, n ho mumakeen
use yek khubasoorat mod de kar bhoolanaa achchhaa