jo hum ne daastaa apanee sunaayee, aap kyon roye ?
tabaahee to humaare dil pe aayee, aap kyo roye ?

humaaraa dard-o-gam hain ye, ise kyo aap sahate hain ?
ye kyo aansoo humaare, aap kee aakhon se bahate hain ?
gamon kee aag hum ne khud lagaayee, aap kyo roye ?

bahot roye magar ab aap kee khaatir naa royenge
naa apanaa chain khokar, aap kaa hum chain khoyenge
kayaamat aap ke ashkone dhaayee, aap kyo roye ?

n ye aansoo ruke to, dekhiye fir hum bhee ro denge
hum apane aasuon mein chaand taaro ko doobo denge
fanaa ho jaayegee saaree khudaee, aap kyo roye?