khoyaa khoyaa chaand, khulaa aasamaan

aakhon mein saaree raat jaayegee

tum ko bhee kaise neend aayegee?



mastee bharee hawaa jo chalee

khil khil gayee ye dil kee kalee

dil kee galee mein hain khalabalee

kee unako to bulaao



taare chale, najaare chale, sang sang mere wo saare chale

chaaro tarah ishaare chale, kisee kee to ho jaao



ayesee hee raat  bheegee see raat  haatho mein haath hote wo saath

kah lete unase dil kee ye baat  ab to naa sataao



hum mit chale hain jinake liye,

bin kuchh kahe wo chup chup rahe

koee jaraa ye unase kahe, naa ayese aajamaao